राज्यपाल हरिभाऊ बागडे़ जनजातियां रा भला सारू बुनियादी शिक्षा मांय सुधार अर प्राथमिक शिक्षा ने बेहतर बणावण माथे ज़ोर दीनो है। वे शुक्रवार ने बांसवाड़ा मांय जिला स्तर रा अहलकारां सागे मीटिंग मांय बोल रह्या हा। राज्यपाल केन्द्र अर राज्य सरकार री योजनावां रो फ़ायदो बत्ता ऊं बत्ता पात्र लोगां तांई पूगावण माथे ज़ोर दीनो। वे प्रधानमंत्री ग्राम सड़क योजना, जल जीवन मिशन ऊं जुड़्या काम अर सूरज री रोशनी ऊं बिजली बणावण रा काम तेजी ऊं करण रा हुकम दीना। राज्यपाल साक्षरता अभियान अर बेटी बचाओ-बेटी पढ़ाओ समेत न्यारा-न्यारा अभियान अर कार्यक्रमां ने और बेहतर तरीका ऊं चलावण माथे ज़ोर दीनो।