राज्यपाल हरिभाऊ बागडे़ कह्यो है के नुवी राष्ट्रीय शिक्षा नीति, विद्यार्थियां रा पूरा विकास अर दिमागी बूतो बधावण ऊं जुड़ी है। वे कह्यो के भणाई-लिखाई रे जरिये विद्यार्थियां ने चुनौतियां रो सामो करण वाळो मन बणावणो चाहिजे। श्री बागडे़ बुधवार ने राष्ट्रीय शिक्षा नीति रा बारा मांय पीएम उषा अभियान रा तैत जयपुर मांय राख्यी ज्यी राज्य स्तर री कार्यशाला मांय बोल रह्या हा। कॉलेज शिक्षा आयुक्तालय, सेवा भारती अर राष्ट्रीय सेवा योजना री ओर ऊं राख्यी ज्यी ईं कार्यशाला मांय राज्यपाल कह्यो के केंद्र सरकार न्यारी-न्यारी योजनावां रा तैत विद्यार्थियां रा विकास सारू बजट दीनो है। कार्यक्रम मांय उपमुख्यमंत्री डॉ. प्रेमचंद बैरवा आपदा प्रबंधन ऊं जुड़ी भारत री ज्ञान परंपरा रो जिक्र करता थकां न्यारा-न्यारा ग्रंथां मांय कुदरती आपदावां ऊं बचाव रा तरीकां री सराहवणा की