राज्यपाल हरिभाऊ बागडे़ कह्यो है के नारी सशक्तीकरण सारू काम करण वाळां समाज ईं तेजी ऊं विकास कानी आगे बढे है। श्री बागडे सोमवार ने जयपुर मांय ’महिला सुरक्षा मंच’ कानी ऊं व्ह्या ’नारी शक्ति 2024’ पुरस्कार जळसा मांय बोल रह्या हा। वणा कह्यो के टाबरा ने संस्कार हर हिम्मत नारी शक्ति रा रूप मांय मॉ ईं देवे है। वणा मातृ शक्ति ने टाबरां रा बौद्धिक बूता मांय बढावार करण वाळी बतावता कह्यो के महिलावां ने मन ऊं मजबूत व्हेणो चाहिजे। श्री बागड़े पर्यावरण संरक्षण, उद्यमिता, शिक्षा, चिकित्सा, अर्थव्यवस्था जस्या न्यारा-न्यारा हलकां मांय ठावो काम करण वाळी महिलावां ने ’नारी शक्ति 2024’ ईनाम देवता वां रा कामां ऊं सीख लेवण री अरज करी। वणा समाज मांय महिला शिक्षा अर वां ने मौके देवण सारू सगळा थर माथे काम करण माथे जोर दियो।