राज्यपाल हरिभाऊ किसनराव बागडे कह्या के लोकतंत्र मांय संवाद रो बत्तो महत्व है। इण सूं फैसला लिया जा सके है, सहमति बणे है अर लोकतंत्र मजबूत होवे है। वे कह्या के भारतीय लोकतंत्र विश्वभर मांय सब ऊं बड़ो लोकतंत्र ही नी बल्कि यो संवाद सूं लोक कल्याणकारी फैसला लेबा वाळां सूं भी बड़ो राष्ट्र है। वे कह्या केयुवा शक्ति सूं ही भारत भविष्य रो सब ऊं विकसित राष्ट्र बणेला। श्री बागडे़ दीतवार ने जयपुर मांय “भारतीय युवा संसद“ रा कार्यक्रम ने संबोधित कर रह्या है। कार्यक्रम मांय मौजूद विधानसभा अध्यक्ष वासुदेव देवनानी विश्व लोकतंत्र दिवस री बधाई देता थकां कह्या के भारत मांय लोकतंत्र री जड़ां पुराण टेम सूं घणी मजबूत रही है। वणा कह्यो के अधिकारां रे साथै मोटयारां ने कर्तव्यां री कानी ऊं सजग रहणो चाहिजे। कार्यक्रम मांय 24 राज्यां सूं आया युवां भाग लीना। “भारतीय युवा संसद“ रा आशुतोष जोशी युवा संसद रा बारा मांय विस्तार सूं जाणकारी दी।