राज्यपाल हरिभाऊ किसनराव बागडे़ मंगलवार ने श्रीगंगानगर ज़िला री ऐतिहासिक हिंदुमलकोट चौकी अर सरहदी हलका रो दौरो कीनो। वे पाकिस्तान री सरहद ऊं लाग्योड़ी ईं खास चौकी ऊं सरहदी हलका रो जायज़ो लीनो अर बीएसएफ रा जवानां सागे बातचीत ई कीनी। राज्यपाल वार म्यूजियम ने ई निरख्यो अर हिन्दुमलकोट गांव री जूनी अर ऐतिहासिक महत्त्व ऊं जुड़ी इमारतां ने ई निरखी। राज्यपाल आंतरिक सुरक्षा समन्वय समिति री मीटिंग ले र बीएसएफ अर पुलिस प्रशासन ने मिल र सरहद पार ऊं ड्रोन रे ज़रिये हेरोईन अर दूजी नशीली चीजां भेजी जावण ने रोकण सारू स्थानीय लोगां री मदद ऊं सावचेती सागे काम करण बाबत कह्यो। राज्यपाल हिन्दुमल कोट री सरकारी स्कूल मांय पोषाहार मुहैया करावण अर खेलकूद रा बारा मांय बच्चां सागे बातचीत कीनी। इण ऊं पैली वे प्रधानमंत्री आवास योजना रो फायदो लेवण वाळां सागे ई बातचीत कीनी। राज्यपाल श्रीकरणपुर हलका रा कमीनपुरा मांय गंगानगर शुगर मिल रो ई दौरो कीनो अर गन्ना री उपज लेवण वाळा किसानां सागे चर्चा कीनी।