राजस्थान हाई कोर्ट एसआई भर्ती परीक्षा-2021 मांय पास व्हे र सिखावण ले रह्या उप निरीक्षकां रा मामला मांय यथास्थिति बणायी राखण रा हुकम दीना है। कैलाश चंद शर्मा अर दूजां री अर्जी माथे सुणवाई करता थकां जज समीर जैन री एकलपीठ ओ हुकम दीनो। हाई कोर्ट रा सोमवार ने दिया ज्या हुकम ऊं सिखावण ले रह्या उप निरीक्षकां री पासिंग आउट परेड अर तैनाती माथे संशय पैदा व्हे ग्यो है। अर्जी देवण वाळां रा वकील हरेंद्र नील बतायो के उप निरीक्षक री भर्ती परीक्षा मांय व्ह्या कथित फर्जीवाड़ा ऊं आं उम्मीदवारां रा हितां माथे असर पड़्यो है। ध्यानजोग है के ईं मामला मांय एसओजी हाल तांई सिखावण ले रह्या 50 ऊं बत्ता उप-निरीक्षकां ने गिरफ़्तार कीना है।