राज्य मांय ‘‘हर घर तिरंगा’’ अभियान रा तैत न्यारा-न्यारा कार्यक्रम राख्या जा रह्या है। झालावाड़ मांय स्कूली विद्यार्थी अर पुलिस वाळा देश भक्ति रा नारा लगाता थकां राजकीय खेल संकुल ऊं मिनी सचिवालय तांई तिरंगा रैली निकाळी। बाडमेर मांय गांधी चौक ऊं भगवान महावीर टाउन हॉल तांई तिरंगा रैली निकाळी ज्यी। पाली मांय स्वामी विवेकानन्द सर्कल ऊं जिला कलेक्ट्रेट तांई तिरंगा दौड़ अर स्केटिंग तिरंगा रैली निकाळी ज्यी। अलवर मांय जिला प्रशासन अर नगर निगम री ओर ऊं कंपनी बाग ऊं तिरंगा रैली निकाळी ज्यी। पाली मांय जिला कलेक्टर रा दफ्तर रा परिसर मांय खुद री फोटो ख्ींचण री ठौड़ बणायी ज्यी है। सांसद पी.पी. चौधरी, जिला कलेक्टर, एस.पी. अर पैली वाळा विधायक ज्ञानचंद पारख तिरंगो झंडो लहरा र फोटो खिंचवायो अर सगळा ऊं आप-आप रा घर तिरंगो झंडो फहरावण री अपील कीनी। डूंगरपुर जिला रा सीमलवाड़ा मांय ई खेल मैदान ऊं तिरंगा यात्रा निकाळी ज्यी। बालोतरा मांय स्कूली विद्यार्थी जागरूकता रैली निकाळी। चूरू मांय हर घर तिरंगा अभियान रा जिला उद्योग केन्द्र मांय हाथ री कारीगरी ऊं बणायी ज्या सामान री प्रदर्शनी लगायी ज्यी अर जनता ऊं देशी सामान काम लेवण री अपील करी ज्यी। कोटा मांय हर घर तिरंगा अभियान रा तहत आज दिव्यांग जन रैली निकाळी। ब्यावर मांय अजमेरी गेट ऊं जिला कलेक्ट्रेट तांई तिरंगा दौड राख्यी ज्यी। ईं मौके जिला कलेक्टर दौड मांय सिरकत करण वाळां ने नशो नी करण री प्रतिज्ञा दिरायी। नागौर मांय ई आज हर घर तिरंगा अभियान रा तहत जिला प्रशासन अर पुलिस री ओर ऊं तिरंगा यात्रा निकाळी ज्यी। प्रतापगढ़ मांय सरकारी सीनियर सैकेण्डरी स्कूल री ओर ऊं तिरंगा रैली निकाळी ज्यी। डूंगरपुर मांय जिला प्रशासन अर पुलिस री ओर ऊं आज नया शहर ऊं कलेक्ट्री तांई तिरंगा रैली निकाळी ज्यी। भीलवाड़ा मांय प्रशासन री ओर ऊं 5 लाख तिरंगा झंडा मुफ्त बांट्या जावेला।