राजस्थान विधानसभा रा 75 साल पूरा व्हेवण रा सिलसिला मांय 15 जुलाई ने खास कार्यक्रम राख्यो जावेला। विधानसभा भवन मांय राख्या जावण वाळा ईं अमृत महोत्सव कार्यक्रम मांय उपराष्ट्रपति सी.पी. राधाकृष्णन ई शामिल व्हेला। विधानसभा अध्यक्ष वासुदेव देवनानी शुक्रवार ने जयपुर मांय खबरनवीसां ने आ जाणकारी दीनी। वे बतायो के राष्ट्र मंडल संसदीय संघ री राजस्थान शाखा री ओर ऊं राख्या जावण वाळा ईं आयोजन मांय लोकसभा अध्यक्ष ओम बिरला ई विचार बतावेला। श्री देवनानी बतायो के ईं मौके विधायी गौरव यात्रा ई राख्यी जावेला, जिण मांय मौजूदा अर पैली वाळा विधायक ई शामिल व्हेला। समम्मेलन मांय विधायी परंपरावां, सदन री गरिमा, संसदीय अनुभवां, चुनौतियां समेत केई मुद्दां माथे चर्चा करी जावेला।