राजस्थान विधानसभा रा 75 बरस पूरा होणे रे मौके माथे बुधवार सूं अमृत महोत्सव री सरूआत व्हेली। उद्घाटन जळसे मांय लोकसभा अध्यक्ष ओम बिरला भेळा व्हेला। वठी ने उपराष्ट्रपति सी.पी. राधाकृष्णन समापन सत्र मांय भेळा होवण रो कार्यक्रम है। उच्छव मांय राज्य रा लोकतांत्रिक विकास, ऐतिहासिक कानूनां, संसदीय परम्परावां अर डिजिटल विधानसभा रे भविष्य माथे मंथन व्हेला। वठी ने मौजूदा अर पैली आळा विधायकां रो समागम रहवेला। इण रे तैत सालभर तांई खास कार्यक्रमां रो आयोजन कर्यो जावेला। विधानसभा अध्यक्ष वासुदेव देवनानी बतायो के जळसे मांय छह अर उण सूं बत्ती दफा रिया पैली आळा विधायकां रो सम्मान भी करयो जावेला।