पश्चिम बंगाल री राजधानी कोलकाता मांय एक महिला रेज़ीडेंट डॉक्टर सागे व्ही वारदात पाछे लारला एक सप्ताह ऊं बत्ता बगत ऊं हड़ताल कर रह्या राज्य रा रेज़ीडेंट डॉक्टर अब आपातकालीन अर आईसीयू सेवा देवण सारू तैयार व्हे ग्या है, हालांकि अ डॉक्टर ओ.पी.डी. समेत दूजा सामान्य कामकाज करण सारू हाल ई राज़ी नी व्ह्या है। चिकित्सा विभाग रा अहलकारां अर रेजीडेंट डॉक्टरां रा नुमाइन्दां बीचे आज व्ही बातचीत रे दौरान कुछ मुद्दां माथे सहमति बणी। बातचीत पाछे चिकित्सा अर स्वास्थ्य मंत्री गजेंद्र सिंह खींवसर बतायो के आपातकालीन अर आई.सी.यू. मांय रेजिडेंट डॉक्टरां री सेवावां मिलण ऊं जनता ने साता मिलेला। चिकित्सा अर स्वास्थ्य विभाग री अतिरिक्त मुख्य सचिव शुभ्रा सिंह कह्यो के डॉक्टरां री हिफाज़त अर अस्पतालां मांय वां ने चोखो माहौल देवण सारू सरकार न्यारा-न्यारा जतन कर रही है।