हर घर तिरंगा अभियान रे तैत राजस्थान मांय केई गतिविधियां व्हे री है। राजधानी जयपुर मांय दीतवार ने मुख्यमंत्री जनसुणवाई दफ्तर ऊं तिरंगा यात्रा निकाळी ज्यी। कार्यक्रम मांय भेळा लोगां माथे ठौड़ ठौड़ फूल बरसायी ज्या। अभियान रे तैत जयपुर ग्रेटर नगर निगम कानी ऊं 13 अगस्त ने तिरंगा मैराथन रो आयोजन व्हेला। भीलवाड़ा जिला मांय केई ठौड़ां तिरंगा वाहन रैली निकाळी ज्यी। ज़िला मुख्यालय माथे पुलिस लाइन ऊं निकळी रैली री सरूआत ज़िला कलेक्टर अर पुलिस अधीक्षक करी। चूरू मांय वाहन तिरंगा रैली ने ज़िला कलेक्टर पुष्पा सत्यानी रवाना कर्या। रैली शहर रा खास मार्गा ऊं व्हेला इन्द्रमणि पार्क पूगी। जैसलमेर मांय ऐतिहासिक गड़ीसर सरोवर ऊं तिरंगा रैली निकाळी ज्यी। केकडी ज़िला मुख्यालय माथे निकाळी ज्यी तिरंगा वाहन रैली मांय घणी तादाद मांय नौजवान हिस्सो लियो। ई मौके ज़िला कलेक्टर नागरिकां ऊं 13 ऊं 15 अगस्त तांई हर घर तिरंगा फहरावण री अरज करी। झालावाड जिला मांय न्यारी-न्यारी ठौड़ां तिरंगा रैली निकाळी ज्यी। बीकानेर मांय केन्द्रीय मंत्री अर्जुनराम मेघवाल हर घर तिरंगा अभियान ने ले र कह्यो के इण ऊं आखा देश मांय उमाव रो वातावरण है।