प्रदेश मांय केई ठोड़ा आज ई बिरखा व्ही। लारला 24 घंटां मांय अलवर, भरतपुर, जयपुर, बांसवाड़ा अर दौसा जिलां मांय केई ठोड़ां जोरदार मेह बरस्यो। दौसा ज़िला रा महुवा मांय सब ऊं बत्ती 195 मिलीमीटर बिरखा दर्ज करी ज्यी। करौली अर धौलपुर जिलां मांय ई चोखी बिरखा रा समाचार है। तेज़ बारिश रे कारण करौली ज़िला रा पांचना बंधा मांय पाणी ओजू आवण लाग्यो है, जिण रे कारण इण रा 3 दरूजा खोल दिया ज्या है। टोंक, नागौर अर भीलवाड़ा ज़िलां मांय ई कठे-कठे तेज़ बिरखा व्ही। जयपुर मांय लारला तीन दिन ऊं रूक-रूक र बिरखा व्हे रही है। नीमकाथाना ज़िला मांय ई लारला दो-तीन दिन ऊं रुक-रुक र बारिश व्हे रही है। ज़िला रा गावड़ी गांव री डूंगरियां ऊं पाणी रा झरना बहणा सरू व्हे ग्या है। कोटपूतली-बहरोड़ ज़िला रा बानसूर मांय संवारे ऊं ईं हल्की बरसात व्हे रही है। मौसम केंद्र जयपुर रा निदेशक राधेश्याम शर्मा बतायो के आवता पांच-सात दिन राज्य रा ऊगणी हलका मांय बिरखा चालती रेहवण रा आसार है।