राजस्थान मांय राष्ट्रीय गोकुल मिशन रा तैत 13 ज़िलां मांय लिक्विड नाइट्रोजन रा भंडारण सारू तीन हजार लीटर बूता रा साइलो बुधवार ने वर्चुअल तरीका ऊं जनता ने सूंपी ज्या। पशुपालन मंत्री जोराराम कुमावत इण री सरूआत करता थकां बतायो के लिक्विड नाइट्रोजन पशु नस्ल सुधार सारू कृत्रिम गर्भाधान रा काम आवे है। ईं भंडारण व्यवस्था सारू राज्य रा 16 जिलां मांय तीन-तीन हजार लीटर बूता रा वर्टिकल साइलो पैली ई लगाया जा चुक्या है। राजस्थान रा 29 जिलां मांय वर्टिकल साइलो बण जावण ऊं लिक्विड नाइट्रोजन भंडारण रो बूतो 93 हजार लीटर रो व्हे ग्यो है। ईं मौके पशुपालन मंत्री जयपुर ज़िला रा मैत्री कार्यकर्तावां ने ए आई किट री दीना। श्री कुमावत बतायो के जैसलमेर मांय कृत्रिम गर्भाधान कवरेज ने बधावण सारू मिशन उत्कर्ष जैसलमेर चलायी ज्यो है।