राजस्थान मांय बुधवार ने व्ह्या न्यारा-न्यारा सड़क हादसां मांय सात जणा री मौत व्हे ग्यी अर सोलह जणा ज़ख्मी व्हे ग्या। सिरोही ज़िला रा स्वरुपगंज हलकां मांय बुधवार ने एक ट्रक कानी ऊं ऑटो रिक्शा ने टक्कर मार देवण रे कारण चार जणा री मौत व्हे ग्यी अर 9 जणा ज़ख्मी व्हे ग्या। तीन घणा ज़ख्मी लोगां ने आबूरोड रैफर करी ज्या है। ट्रक मांय लोहा री भारी मशीन राख्यी ज्यी ही। कोदरला कने ट्रक आगे चाल रह्या ऑटो रिक्शा ने टक्कर मार दीनी। ईं दौरान ट्रक मांय पिछाड़ी रख्योडी मशीन केबिन तोड़ र बाहर आ ग्यी। इण ऊं ट्रक रा ड्राइवर अर खलासी री मौत व्हे ग्यी। धौलपुर ज़िला रा मनिया हलका मांय सुआ का बाग़ कने मोटरसाइकिल सवार तीन जणा ने एक गाड़ी टक्कर मार दीनी, जिण ऊं तीन्यू री मौत व्हे ग्यी। पाली ज़िला मांय माण्डा गाँव कने मेटाडोर पलट जावण ऊं सात जणा ज़ख्मी व्हे ग्या।