राजस्थान राज्य शैक्षिक अनुसंधान अर प्रशिक्षण परिषद् उदयपुर री ओर ऊं प्रदेश मांय न्यारी-न्यारी ठौड़ां सोमवार ने बाल विज्ञान मेळा सरु व्ह्या। अ मेळा तीन दिन चालेला। अजमेर रा पुलिस लाइन राजकीय उच्च माध्यमिक विद्यालय मांय लगाया जा रह्या मेळा मांय ज़िला री 80 ऊं बत्ती स्कूलां रा साढ़े चार सौ ऊं बत्ता विद्यार्थी सिरकत कर रह्या है। मेळा मांय विज्ञान मॉडल रो दरसाव करण सागे ई सेमिनार अर प्रश्नोत्तरी री होड़ां राख्यी जा रही है। दौसा री महात्मा गांधी रेलवे स्कूल मांय विज्ञान मेळा रो पेली वाळा विधायक शंकर शर्मा उद्घाटन कीनो। बाड़मेर ज़िला रा गुढ़ामालानी मांय ई ज़िला स्तर रो विज्ञान मेळो सोमवार ने सरू व्ह्यो।