राजस्थान पुलिस कानी ऊं आ दिनां ऑपरेशन साइबर शील्ड अभियान चलायो जावे। 31 जनवरी तांई चालण वाळां ई अभियान रा तैत लोगां ने साइबर धोखाधड़ी, ठगी, फर्जी कॉल सारू जागरूक कर्या जावे। झालावाड़ मांय अभियान रा तैत पुलिस न्यारी-न्यारी ठौड़ां ऊं चोरी व्ह्या मोबाइल वां रा मालिकां ने सूप्या। साथै ई साइबर अपराधां ऊं बचण री समझाईश करी। पुलिस अधीक्षक ऋचा तोमर बतायो के आ मोबाइलां री बरामदगी सारू खास टीम बणायी ज्यी है। इणी कड़ी मांय बुधवार ने पाली ज़िला रा मारवाड़ जंक्शन रेल्वे ठेशन माथे आर.पी.एफ. कानी ऊं जात्रियां ने साइबर अपराधां रा बारा मांय जाणकारी दीरीजी।