राजस्थान अध्यापक पात्रता परीक्षा 2024-रीट गुरूवार ने सरु व्हेला। 28 फरवरी तांई ली जावण वाळी ईं परीक्षा सारु 41 ज़िलां मांय एक हजार 731 केन्द्र बणायी ज्या है। राजस्थान माध्यमिक शिक्षा बोर्ड री ओर ऊं ली जावण वाळी आ परीक्षा देवण सारू 14 लाख 29 हजार ऊं बत्ता परीक्षार्थी नाम मण्डाया है। फर्जी उम्मीदवारां माथे रोक लगावण सारू पहली दफ़ा चेहरा रे जरिये पिछाण री तकनीक काम ली जावेला। इंर् सागे ई उम्मीदवारां री आंगिळयां री छाप ई ली जावेला। परीक्षा केन्द्रां माथे सीसीटीवी कैमरां रे जरिये निगराणी राख्यी जावेला। रीट परीक्षा देवण वाळा उम्मीदवारां ने आवण-जावण सारू रोड़वेज री बसां मांय मुफ़्त सफ़र रो सुबीतो दियो जावेला जद के उत्तर-पश्चिम रेलवे री ओर ऊं ई खास गाड़िया चलायी ज्यी है।