राइजिंग राजस्थान ग्लोबल इन्वेस्टमेंट समिट रा संकल्पां रा तैत सोमवार ने मुख्यमंत्री भजनलाल शर्मा पांचवां संकल्प रो ऐलाण कीनो। मुख्यमंत्री कह्यो के सरकार प्लास्टिक कम ऊं कम काम लेवण रो फैसलो कीनो है। वे कह्यो के सरकार प्रदेश मांय पर्यावरण संरक्षण रा प्रति संकल्पित व्हे र काम कर रही है। ईं बीचे दौसा मांय सोमवार ने राइजिंग राजस्थान इन्वेस्टर मीट राख्यी ज्यी। इण मांय 2 हजार 94 करोड़ रुप्या ऊं बत्ती रकम रा 95 करार करी ज्या। आं रे जरिये करीब पांच हजार 8 सौ जणा ने नौकरी-धंधा रा मौका मिल सकेला। कार्यक्रम मांय जिला रा प्रभारी मंत्री कर्नल राज्यवर्धन सिंह राठौड़ कह्यो के ईं सम्मेलन मांय ऊर्जा, शिक्षा, मिनरल ग्राईंडिंग, होटल अर पर्यटन, एग्रो प्रोसेसिंग अर चिकित्सा हलकां मांय निवेशकां सागे करार करी ज्या।