जयपुर मांय राख्यी ज्या ’राइजिंग राजस्थान’ ग्लोबल इन्वेस्टमेंट समिट ऊं पैली रा निवेशक सम्मेलन मांय 43 कंपनियां सागे 6 हजार करोड़ रूप्या ऊं बत्ती रकम रा निवेश ऊं जुड़़्या न्यारा-न्यारा करार माथे सही करीजी। ईं मौके सूचना प्रौद्योगिकी अर संचार मंत्री कर्नल राज्यवर्धन राठौड़ कह्यो के निवेश सारू राजस्थान देश रो सब ऊं अनुकूल राज्य है। वे कह्यो के राज्य सरकार राइजिंग राजस्थान ग्लोबल इन्वेस्टमेंट समिट रे जरिये कंपनियां सागे करार कर र  प्रदेश रो विकास तैय करेला। प्री-समिट मांय प्रसार भारती रा मुख्य कार्यकारी अधिकारी गौरव द्विवेदी कह्यो के सूचना अर प्रसारण मंत्रालय री ओर ऊं देश मांय बेगा ई सिनेमा, गेमिंग, एन्टरटेन्मेंट अर एनीमेशन रा हलका मांय संभावनावां ने ध्यान राखता थकां एक्सीलेंस सेंटर खोल्यो जावेला। वे कह्यो के सरकार ईं हलका सारू खास नीति बणावण माथे ई काम कर रही है, जिण ऊं आवता बगत मांय कन्टेंट क्रिएटर्स ने बधावो मिलेला। ईं मौके डिजिटल राजस्थान यात्रा ने झंडी बता र रवाना करीजी अर 145 स्टार्टअप कम्पनियां ने 5 करोड़ 65 लाख रूप्या रा चैक दिया ज्या।