राइजिंग राजस्थान ग्लोबल इन्वेस्टमेंट समिट रा तैत मंगलवार ने जयपुर मांय आईटी अर स्टार्टअप प्री-समिट राख्यी जावेला। इण मांय मुख्यमंत्री भजनलाल शर्मा ई शिरकत करेला। राज्य रा सूचना अर प्रौद्योगिकी मंत्री कर्नल राज्यवर्धन राठौड़ ई ईं कार्यक्रम मांय मौजूद रहवेला। प्री-समिट मांय तकनीक अर नवाचार रा हलका मांय निवेश रा न्यारा-न्यारा करार माथे सही करी जावेला। ईं कार्यक्रम रा तैत डिजिटल राजस्थान यात्रा ने झंडी बता र रवाना करी जावेला अर स्टार्टअप्स ने फंडिंग रा चैक दिया जावेला। सूचना प्रौद्योगिकी अर संचार विभाग री शासन सचिव अर्चना सिंह बतायो के दो सत्रां मांय व्हेवण वाळी प्री-समिट मांय प्रदेश मांय डिजिटल बदलावां री संभावनावां रा बारा मांय ई चर्चा करी जावेला।