राइजिंग राजस्थान ग्लोबल इन्वेस्टमेंट समिट ऊं पैली स्थानीय स्तर परां व्हे रही इन्वेस्टर्स मीट री कड़ी मांय आज जोधपुर मांय आयोजन व्ह्यो। संसदीय कार्य, विधि अर न्याय मंत्री जोगाराम पटेल री मौजूदगी मांय जोधपुर रा 289 निवेशकां ऊं एमओयू करी ज्यो। इण ऊं जिला मांय 17 हजार 350 करोड़ रुप्या रो नुवो निवेश आवेला। साथ ही रोजगार रा 57 हजार नुवा मौका मिलेला। कार्यक्रम मांय सांसद राजेंद्र गहलोत, नगर निगम दक्षिण री महापौर वनिता सेठ, विधायक अतुल भंसाली अर देवेंद्र जोशी, जिला कलेक्टर गौरव अग्रवाल उपस्थित रह्या। कार्यक्रम रे दौरान एक जिला एक उत्पाद योजना रा तैत चुण्यी ज्या उत्पादां रे अलावा जोधपुर रा खास सामान री प्रदर्शनी लगायी ज्यी।