राजस्थान रा मुख्यमंत्री भजनलाल शर्मा कह्यो है के भारत प्राचीन काल ऊं ई केई पारंपरिक अर वैकल्पिक चिकित्सा पद्वतियां रो केन्द्र रह्यो है। आं चिकित्सां सिद्वांता री मार्फत ’यूनिवर्सल हेल्थ कवरेज’ रा लगस ने हासिल करण मांय मदद मिल री है। वणा कह्यो के आ सिद्वांता मांय इलेक्ट्रोपैथी री खास महता है अर राज्य सरकार इण ने बधावो देवण सारू वचनबद्ध है। ध्यानजोग है कि श्री शर्मा दीतवार ने मुख्यमंत्री रहवास माथे इलेक्ट्रोपैथी चिकित्सकां री आभार अर अभिनंदन सभा मांय बोल रह्या हा। वणा कह्यो के राज्य सरकार आप रा पैला बजट मांय ई पारंपरिक चिकित्सा पद्धति इलेक्ट्रोपैथी ने बधावो देवण सारू इलेक्ट्रोपैथी बोर्ड बणावण अर इण रा पैला चरण मांय पांच करोड़ रूप्यां रा बजट रो प्रावधान करी ज्यो है। वठे ई मुख्यमंत्री रहवास माथे भीलवाडा नगर परिषद ने नगर निगम मांय क्रमोन्नत करण समेत भीलवाडा अर जहाजपुर हलका रा बारा मांय बजट ऐलाणा सारू व्ही आभार सभा मांय बोलता मुख्यमंत्री ने कह्यो के राज्य सरकार समाज रा सगळा तबका री आशावा मुजब विकसित राजस्थान रा संकल्प रे साथै काम कर री है। वणा कह्यो के परिवर्तित राज्य बजट 2024-25 मांय हर हलका अर हर तबका ने सौगाता दीरीजी है।