मौसम विभाग प्रदेश रा 24 ज़िलां मांय धुंअर रेहवण अर चार ज़िलां मांय शीतलहर रो येलो अलर्ट जारी कीनो है। ईं बीचे माउंट आबू मांय शुक्रवार ने न्यूनतम तापमान 1 डिग्री सेल्सियस ऊं नीचे उतर ग्यो। सिरोही मांय 3 दशमलव 8 अर सीकर मांय 4 डिग्री सेल्सियस न्यूनतम तापमान दर्ज करी ज्यो। राजधानी जयपुर मांय काल व्ही मावठ रे कारण ठण्ड रो असर बध ग्यो अर दिन री बगत ई सीळो बायरो बाजण ऊं ठिठुरन महसूस करी ज्यी। ईं बीचे मौसम विभाग 31 जनवरी तांई ज़ोरदार ठण्ड पड़बा रा आसार जताया है। महकमा रे मुजब 22 जनवरी ऊं एक और तंत्र सक्रिय व्हेवण ऊं राज्य रा उत्तराद -ऊगणी हलका मांय बिरखा री संभावना है।