देश रा उतराद हलका ऊं आ रह्या सीळा बायरां ऊं प्रदेश मांय जबरदस्त ठारी पड़ रही है। केई शहरां मांय आज ई घणी धुंअर रही। करौली, अजमेर, उदयपुर, बीकानेर, श्रीगंगानगर अर सीकर समेत केई ठौड़ां कड़ाका री ठण्ड रो असर है। मौसम विभाग रे मुजब लारला 24 घंटा मांय प्रदेश मांय सब ऊं कम 4 दशमलव 6 डिग्री सैल्सियस तापमान श्रीगंगानगर मांय दर्ज करी ज्यो। सवाईमाधोपुर मांय 4 दशमलव 8, अजमेर मांय 4 दशमलव 9, बीकानेर मांय 5 दशमलव 2, उदयपुर कने डबोक मांय 5 दशमलव 6, चित्तौडगढ मांय 6 दशमलव 2, चूरू मांय 6 दशमलव 3, सीकर मांय 7, अलवर मांय 7 दशमलव 4 अर राजधानी जयपुर मांय 8 डिग्री सैल्सियस कम ती कम तापमान दर्ज़ करी ज्यो। हनुमानगढ़ मांय तेज ठण्ड ऊं मौसमी बीमारियां रा मरीजां री तादाद बधबा लागी है। सीएमएचओ डॉ. नवनीत शर्मा जनता ऊं सर्दी ऊं बचाव करण अर सावचेत रहवण री अपील कीनी है। श्रीगंगानगर मांय शीतलहर रे कारण ठिठुरन अर गलन बध ग्यी है। झालावाड़ मांय ई पड़ रही तेज ठण्ड अर कोहरा रे कारण आवण-जावण माथे असर पड़्यो है। मौसम विभाग प्रदेश मांय 3 जनवरी 2025 तांई शीतलहर रो असर रहवण री संभावना जतायी है।