मुख्य सचिव वी. श्रीनिवास स्वास्थ्य अहलकारां ने हर एक उच्च जोखिम वाळी गर्भवती महिलावां री सूची तैयार करबा अर आं री रोजाना मॉनिटरिंग करबा रा निर्देश दिया हैं। वणा जरूरत पड़बा माथे रैफरल सुविधावां मुहैया ने कह्या। मुख्य सचिव दीतवार ने जयपुर सूं वीडियो काॅन्फ्रेंस रे मार्फत प्रदेश री मातृ अर शिशु स्वास्थ्य सेवावां री समीक्षा बैठक ने सम्बोधित कर रह्या हा। वणा राज्य रा सगळा मेडिकल कॉलेज रा अधीक्षकां अर स्त्री रोग विभागाध्यक्ष सू लारला 24 घंटां मांय व्ह्या सामान्य अर सिजेरियन जापा अर वां री हाल रा स्वास्थ्य रा बारा मांय जाणकारी ले र जरूरी दिशा निर्देश दिया। वणा प्रसव रे पछे आवता 24 घंटां धात्री महिला ने गहन निगराणी मांय राखबा अर वां रा पोषण रो पूरो ध्यान राखबा ने कह्या। मुख्य सचिव सगळा सफाखानां ने जरूरी स्टैण्र्ड प्रोटोकाॅल री पालना करबा रा हुकम दिया। बैठक मांय चिकित्सा महकमा री प्रमुख शासन सचिव गायत्री राठौड़ अर दूजा ठावां अधिकारी मौजूद रिया।