मुख्य निर्वाचन आयुक्त राजीव कुमार बायोमीट्रिक मतदान प्रणाली ने अणूठी बताता थकां कह्या के इण सूं फर्जी मतदान अर एक सू बत्ती टेम मतदान करबा री घटनावां मांय घणी कमी आई है। वे कह्या के या प्रणाली पक्को करे है के केवल सही मतदाता ही वोट कर रह्यो है। श्री कुमार शुक्रवार ने नुवी दिल्ली मांय निर्वाचन आयोग री कानी ऊं राख्या सम्मेलन मांय प्रबंधन निकायां ने सम्बोधित कर रह्या हा राष्ट्रीय मतदाता दिवस काल मनायो जावेला। इण मौके जयपुर मांय होबा वाळां राज्य स्तरीय जळसा मांय मतदाता जागरूकता खातर काम करबा वाळां कर्मचारियां ने सम्मानित कर्यो जावेला वठे ही बाड़मेर री जिला कलेक्टर टीना डाबी ने निर्वाचन संबंधी महताऊ कामां खातर सम्मानित कर्यो जावे। राज्यपाल हरिभाऊ बागडे प्रदेशवासियां ने मतदाता दिवस री बधाई अर शुभकामनावां दी। श्री बागडे कह्या के मतदाता दिवस मतदाता जागरूकता रो पर्व है। लोकतंत्र मांय मतदाता ही राष्ट्र रो भाग्य विधाता होवे है। वणा सगळा पात्र मोटयारां सूं मतदाता सूची मांय नाम जुड़बा री अरज करी।