मुख्यमंत्री भजन लाल शर्मा विपख माथे वां रो काम सही तरीका ऊं नी करण रो आरोप माण्ड्यो है। वे मंगलवार ने प्रदेश भाजपा मुख्यालय मांय खबरनवीसां सागे बातचीत कर रह्या हा। श्री शर्मा कह्यो के भाजपा सरकार अन्त्योदय री भावना ऊं काम कर रही है। वे कह्यो के प्रधानमंत्री नरेन्द्र मोदी साल 2014 ऊं आखिरी छोर माथे बैठ्या लोगां ने आगे लावण सारू काम कर रह्या है। इण ऊं पैली मुख्यमंत्री नई दिल्ली मांय न्यारा-न्यारा केन्द्रीय मंत्रियां सागे ई मुलाकात कीनी। वे गृह अर सहकारिता मंत्री अमित शाह अर उद्योग मंत्री पीयूष गोयल सागे भेंट कर र राज्य री विकास परियोजनावां अर उद्योग रा हलका मांय निवेश री संभावनावां रा बारा मांय चर्चा कीनी। श्री शर्मा मध्यप्रदेश रा मुख्यमंत्री डॉ. मोहन यादव सागे ई जोधपुर हाउस मांय मुलाकात कीनी। इंर् दौरान वे दोन्यू राज्यां बीचे चाल रह्या विकास रा कामां अर आपसी मदद रा बारा मांय बातचीत कीनी।