मुख्यमंत्री भजन लाल शर्मा कह्यो है के राज्य सरकार प्रदेश मांय उद्योगां रा विकास सारू सगळा ज़रुरी जतन कर रही है। वे आज जयपुर मांय एक गैर सरकारी कंपनी री ओर ऊं बणायी ज्या पहला हाइड्रोलिक प्लांट रा उद्घाटन रे मौके बोल रह्या हा। उद्योगां रा विकास री चर्चा करता थकां मुख्यमंत्री कह्यो के वां रा राज मांय प्रदेश मांय निवेश बधावण माथे खास ध्यान दियो जा रह्यो है। वे कह्यो के प्रदेश ऊं दिसावर मांय बेचण बाबत् बत्तो ऊं बत्तो सामान भेजण सारु कोशिश करी जा रही है अर ईं सारु ज़रूरी नीतियां ई बणायी जा रही है। मुख्यमंत्री आज ई जयपुर कने वां रा विधानसभा हलका सांगानेर मांय राजकीय उपाध्याय संस्कृत विद्यालय मांय नुवा कक्षा कक्ष जनता ने सूंप्या। ईं मौके मुख्यमंत्री कह्यो के राजस्थान रा पूरा विकास रो वायदो सब मिल र पूरो करांला। कार्यक्रम मांय शिक्षा मंत्री मदन दिलावर अर जयपुर ग्रेटर नगर निगम री महापौर मेयर डॉ. सौम्या गुर्जर ई सिरकत कीनी।