मुख्यमंत्री भजनलाल शर्मा कह्यो है के राज्य सरकार महिलावां ने आगे बधावण अर वां ने मज़बूत बणावण सारू लगातार काम कर रही है। वे थावर ने जयपुर रा जवाहर कला केन्द्र मांय सरू व्ह्या शक्ति वंदन महोत्सव मांय बोल रह्या हा। श्री शर्मा कह्यो के राजीविका ऊं जुड़ी महिलावां लखपति दीदी बणे है अर वां रा सामान बणावे है। इण ऊं वां ने माली सम्बल मिले है। मुख्यमंत्री कह्यो के राज्य सरकार राजीविका रा उत्पाद खरीद रही है, ताकि महिलावां ने बाजार मिल सके अर वे मज़बूत बण सके। कार्यक्रम मांय जयपुर री सांसद मंजू शर्मा अर जयपुर नगर निगम ग्रेटर री महापौर सौम्या गुर्जर ई मौजूद रही। सशक्त नारी, समृद्ध समाज मुद्दा माथे राख्या जा रह्या तीन दिन रा ईं महोत्सव मांय स्वच्छता योद्धावां री टाबरियां ने सर्वाइकल कैंसर ऊं बचाव रो मुफ्त टीको लगायो जा रह्यो है। महिलावां अर टाबरियां सारू खुद री हिफाजत री सिखावण देवण रा शिविर ई लगाया जा रह्या है। ईं मौके आत्मनिर्भरता की दिशा में एक कदम थीम माथे तीन सौ स्टॉल्स ई लगायी ज्यी है।