मुख्यमंत्री भजनलाल शर्मा दीतवार ने डूंगरपुर, बांसवाड़ा अर पाली दौरा माथे रिया। वणा डूंगरपुर जिला रा खेरमाल गांव मांय राखीज्या श्री जाम्बुखण्ड भैरव मंदिर मांय जीर्णोद्वार जळसा मांय शिरकत करी। इण मौक माथे जनसभा ने संबोधित करता थकां वणा कह्यो के मंदिर सनातन संस्कृति री आत्मा है। श्री शर्मा कह्यो की आपा ने विरासत संरक्षण रे साथै ही विकास रा नुवां आयाम देवणा व्हेला। मुख्यमंत्री भैरव मंदिर मांय कर्या जा रिया जीर्णोद्धार री सराहवना करी। कार्यक्रम मांय जनजातीय विकास मंत्री बाबूलाल खराड़ी भी मौजूद रिया। इण रे पाछे मुख्यमंत्री बांसवाड़ा रा त्रिपुरा सुंदरी मिंदर पहुंच्या। वणा पूजा अर्चना कर र प्रदेश मांय खुशहाली री कामना करी। अब सूं कुछ ही देर पैल्या मुख्यमंत्री पाली रा देसूरी पहुंच्या। वणा मांगलिया गुढा मांय ग्रामीणां सूं बातचीत करी। मुख्यमंत्री एक धार्मिक जळसा मांय भेळा हो रिया है।