मुख्यमंत्री भजनलाल शर्मा थावर ने प्रयागराज महाकुंभ मांय संगम री ठौड़ पवित्र स्नान कीनो। श्री शर्मा थावर ने संवारे मंत्री मण्डल अर भारतीय जनता पार्टी रा विधायकां सागे प्रयागराज पूग्या। वे गंगा, जमुना अर सरस्वती नदियां री तौर-तरीका ऊं पूजा-अर्चना कर र प्रदेश री जनता रा सुख, समृद्धि अर कल्याण री प्रार्थना कीनी। श्री शर्मा राजस्थान मण्डपम् मांय मंत्रीपरिषद री मीटिंग लीनी। खबरनवीसां सागे बातचीत करता थकां मुख्यमंत्री महाकुंभ ने आध्यात्मिकता अर इंसानियत रो महोत्सव बतायो। वे गंगा नदी ने जीवन देवण वाळी बतायी। महाकुंभ मांय हाल तांई 41 करोड़ ऊं बत्ता जातरु पवित्र स्नान कर लीनो है अर मोटी तादाद मांय जातरु पूग रह्या है। 13 जनवरी ऊं सरु व्ह्यो महाकुंभ 26 फरवरी तांई चालेला।