मुख्यमंत्री भजनलाल शर्मा कह्यो है के सरपंच गांवां रा विकास री रीढ़ व्हे है। वे मंगलवार ने जयपुर मांय सरपंच संघ राजस्थान कानी ऊं राख्यी ज्या कार्यक्रम मांय बोल रह्या हा। मुख्यमंत्री सरपंचां ऊं विकास सारू सक्रियता ऊं काम करण बाबत कह्यो। वे कह्यो के विकास रा कामां रो दायित्व सरपंचां माथे है अर वां कने विकास करण सारू पूरा हक ई है। श्री शर्मा सरपंचां ऊं काल ऊं सरू व्हे रह्या किसानां री आई.डी. बणावण रा काम मांय मदद करण री अपील कीनी। कार्यक्रम मांय पंचायतीराज मंत्री मदन दिलावर सरपंचां ऊं केंद्र अर राज्य सरकार री योजनावां री जाणकारी अर फायदो जनता तांई पूगावण मांय मदद करण सारू कह्यो।