मुख्यमंत्री भजनलाल शर्मा जयपुर रो नुवो मास्टर प्लान बणावण माथे जोर दीनो है। श्री शर्मा सांगानेर विधानसभा हलका मांय कराया जा रह्या विकास रा कामां रो जायजो लेवण सारू शुक्रवार ने जयपुर मांय वां रा रेहवास माथे राख्यी ज्यी मीटिंग मांय बोल रह्या हा। वे कह्यो के बधती आबादी रे कारण साधनां माथे दबाव बध रह्यो है, ज्यीं कारण नगर नियोजन री ओजू ज़रूरत है। मुख्यमंत्री पीडब्ल्यूडी अर एनएचएआई रा अहलकारां ने जयपुर कने भांकरोटा मांय बण रह्या फ्लाईओवर रो काम बेगो पूरो करण बाबत कह्यो। श्री शर्मा पीडब्ल्यूडी रा अहलकारां ने 200 फीट बाईपास कने फ्लाईओवर अर अंडरपास बणावण अर बीलवा फ्लाईओवर बणावणो तैय करण रा हुकम दीना। मुख्यमंत्री रीको पुलिया ऊं मालपुरा रेलवे फाटक तांई सड़क चौड़ी करण रो काम बेगो पूरो करण बाबत ई कह्यो। मुख्यमंत्री अहलकारां ने प्रतापनगर मांय 132 केवी जीएसएस बणावण अर बिजली री लेणां जमीं हेटे करण रा बारा मांय ज़रूरी हुकम ई दीना।