मुख्यमंत्री भजनलाल शर्मा पैली प्रधानमंत्री स्व. अटल बिहारी वाजपेयी रा जन्म शताब्दी दिवस सुशासन दिवस रे मौके प्रदेश री हर ग्राम पंचायत मांय अटल ज्ञान केन्द सरू करण रो ऐलाण कर्यो है। मुख्यमंत्री कह्यो के आ केन्द्रां सारू स्थानीय नौजवानां ने अटल प्रेरक रा रूप मांय चुण्या जायेला। वणा कह्यो के गांवांई हलका रा नौजवानां ने खुद पढ़ण अर प्रतियोगी परीक्षावां री तियारी अर लोगां मांय पढ़ण री प्रवृति ने बधावो देवण सारू अटल ज्ञान केन्द्रां माथे लाईब्रेरी अर ई-लाइब्रेरी री सुविधावां विकसित करी जायेला। इण रे साथै ई आं केन्द्रां माथे कैरियर काउंसलिंग री सुविधा ई मुहैया करायी जायेला। आ केन्द्रां रा विकास माथे पांच सौ करोड़ रिप्यां खर्च व्हेला। श्री शर्मा कह्यो के श्री वाजपेयी री याद मांय राज्य सरकार 26 दिसम्बर ने सगळां पंचायत समिति मुख्यालयां माथे अटल जन सेवा शिविर लगावण रो ई फैसलो कर्यो है।