मुख्यमंत्री भजनलाल शर्मा सोमवार ने राजस्थान मंडपम बणावण री तैयारियां रो जायजो लेवण सारू अहलकारां सागे मीटिंग कीनी। वे कह्यो के दिल्ली रा भारत मंडपम री भांत जयपुर मांय बणबा वाळो राजस्थान मंडपम कला, संस्कृति अर पर्यटन ने बधावो देवण रो केन्द्र बणेळा। मुख्यमंत्री कह्यो के देशी सामान ने बधावो देवण सारू मंडपम मांय युनिटी मॉल बणायो जावेला। श्री शर्मा राजस्थान मंडपम रा मास्टर प्लान रो जायजो लीनो अर अहलकारां ने इण रो काम टेमसर पूरो करण रा हुकम दीना। मुख्यमंत्री तनोट माता मन्दिर हलका रा मास्टर प्लान रो ई जायजो लीनो। वे राज्य रा धार्मिक अर ऐतिहासिक गौरव रा प्रतीक ईं मिंदर ने विश्वस्तर री धार्मिक अर पर्यटन ठौड़ रा तौर ऊं विकसित करण बाबत् कह्यो।