मुख्यमंत्री भजनलाल शर्मा कह्यो है के पर्यावरण ने बचावण री सगळां री भेळी जिम्मेदारी है, जिण मांय हर रेहवासी री भागीदारी व्हेवणी चाहिजे। वे थावर ने उदयपुर मांय राज्य स्तर रा वन महोत्सव कार्यक्रम मांय बोल रह्या हा। श्री शर्मा कह्यो के आवती पीढ़ियां सारू सुरक्षित अर स्वच्छ पर्यावरण बणायो राखण सारू सगळां ने मिल र कोशिश करणी व्हेला। मुख्यमंत्री पौधो रोप र कालका माता नर्सरी परिसर ऊं ईं री सरूआत कीनी। ध्यानजोग है के मिशन हरियाळो राजस्थान रा तैत ईं चैमासा मांय दस करोड़ पौधा रोपणो तैय करी ज्यो है। ईं मिशन रा तैत हाल तांई 20 करोड़ ऊं बत्ता पौधा रोप दिया ज्या है। अरावली री डूंगरियां ने बचावण सारू 30 हजार हैक्टेयर ऊं बत्ता हलकां मांय पौधा रोप्या जावेला, जदके उदयपुर, प्रतापगढ़, सिरोही अर बांसवाड़ा मांय चन्दनवन बणाया जावेला।