मुख्यमंत्री भजनलाल शर्मा कह्यो है के राज्य सरकार जनता ने पाणी, बिजली अर स्वास्थ्य ऊँ जुड़्या बुनियादी सुबीता मुहैया करावण माथे खास ध्यान दे रही है। वे मंगलवार ने धौलपुर रा फूलपुर स्टेडियम मांय राख्यी ज्यी जनसभा मांय बोल रह्या हा। श्री शर्मा कह्यो के सरकार सबका साथ-सबका विकास री सोच सागे हर तबका रा भला सारू काम कर रही है। मुख्यमंत्री धौलपुर मांय शिक्षा, स्वास्थ्य, खेल अर बुनियादी ढांचा विकास ऊँ जुड़्या 177 करोड़ रुप्या रा खर्च वाळा कामां री नींव रखी अर पूरा व्ह्या काम जनता ने सूंप्या। ईं पाछे वे डीग ज़िला रा पूंछरी का लोठा मांय राख्या जावण वाळा कार्यक्रमां मांय सिरकत करण सारू रवाना व्ह्या। श्री शर्मा रो भरतपुर ज़िला रा खेड़ली गुजर मांय गुरू पूर्णिमा रे मौके राज्य स्तर रा कार्यक्रम मांय शामिल व्हेवण रो ई कार्यक्रम है। मुख्यमंत्री विद्यार्थियां रा खातां मांय स्कूल ड्रेस सारू रकम ई भेजेला। वां रो मिशन पढ़ो राजस्थान रा तैत रीडिंग प्रमोशन कैम्पैन री सरूआत रो ई कार्यक्रम है। इण ऊँ पैली श्री शर्मा जयपुर मांय मंगलवार ने वां रा रहवास माथे नौजवानां सागे बातचीत कीनी। सपनों की उड़ान कार्यक्रम मांय मुख्यमंत्री शिक्षा, खेल, स्टार्टअप, माय भारत वॉलेन्टियर्स अर प्रतियोगी परीक्षावां री तैयारी कर रह्या नौजवानां ऊँ बातचीत कीनी।