मुख्यमंत्री भजनलाल शर्मा बुधवार ने जयपुर मेट्रो रेल परियोजना रा दूजा दौर रा काम रो सीतापुरा मेट्रो यार्ड मांय भूमि पूजन कीनो। ईं पाछे वे मानसरोवर ऊं छोटी चैपड़ तांई मेट्रो रेल मांय सफर कीनो। खबरनवीसां सागे बातचीत करता थकां मुख्यमंत्री कह्यो के मेट्रो रेल सेवा रो नेटवर्क बध जावण ऊं सार्वजनिक परिवहन और तेज व्हेला। 13 हजार करोड़ रूप्या ऊं बत्ता खर्च वाळी मेट्रो परियोजना रा दूजा दौर मांय प्रल्हादपुरा ऊं टोडी मोड़ तांई 41 किलोमीटर लम्बो कॉरिडोर विकसित कर्यो जावेला।
