मुख्यमंत्री भजनलाल शर्मा थावर ने जयपुर रा पुलिस मुख्यालय मांय साइबर अपराध अर डिजिटल अरेस्ट रा मुद्दां माथे विचार सारू अहलकारां सागे मीटिंग कीनी। ईं दौरान साइबर अपराधां री रोकथाम बाबत् राजस्थान साइबर क्राइम को-आर्डिनेशन सेंटर-आर 4 सी रा कामकाज रो ई जायजो लियो ज्यो। ध्यानजोग है के राज्य मांय आनलाइन ठगी अर डिजिटल अरेस्ट री वारदातां रोकण सारू राजस्थान साइबर क्राइम को-आर्डिनेशन सेंटर बणायी ज्यो है। ईं रा तैत 1930 हेल्पलाइन ने और बधावण अर इण ने सात ई दिन 24 ई घंटा काम करण लायक बणावण सारू जतन कर्या जावेला। फिलहाल राज्य रा सगळा ज़िलां मांय साइबर पुलिस थाणा काम कर रह्या है। मीटिंग पाछे पुलिस महानिदेशक राजीव शर्मा खबरनवीसां सागे बातचीत करता थकां जनता ऊं रकम मांय तेज़ी ऊं बधोतरी रो झांसो देवण वाळा अरर् ईं भांत रा दूजा लोभ देवण वाळां ऊं बचबा री अरज कीनी।