मुख्यमंत्री भजनलाल शर्मा कयो है के जनसेवा मांय समर्पित अहलकार अर कार्मिक सुशासन रो मूल आधार है। वणा कयो के जन कल्याणकारी योजनावां अर नीतियां ने संवेदनशीलता, साफगोई अर बगतसर धरातल माथे उतारण ऊं ई सुशासन थापित होवे है। मुख्यमंत्री आज जयपुर मांय सचिवालय कर्मचारियां कानी ऊं व्ह्या सन्मान जळसा मांय बोल रिया हा। श्री शर्मा कयो के शासन सचिवालय प्रदेश री आठ करोड़ जनता री आशावां अर अपेक्षावां रो केन्द्र है अर हर कार्मिक गुड गवर्नेंस री धुरी अर विकसित राजस्थान-2047 रो महताऊ सारथी है। मुख्यमंत्री कयो के वां री सरकार कर्मचारी कल्याण कानी ऐतिहासिक कदम उठाया है अर कर्मचारियां रा हित मांय प्रतिबद्धता रे साथे काम कर्या है।