मुख्यमंत्री भजनलाल शर्मा कह्या के प्रदेश रा हर एक मोट्यार ने चोखी शिक्षा रे साथै रूजगार रा मौका मुहैया कराणो म्हाको पैलो काम है। श्री शर्मा आज सीकर री एक शिक्षण संस्थान मांय पंडित हरिनाथ चतुर्वेदी अर संत शिरोमणि मकड़ीनाथ जी महाराज री मूर्ति रा अनावरण जळसा ने सम्बोधित कर रह्या हा। वे कह्या के मोट्यारा रे सागे धोखो करबा वाळा किणी भी अपराधी ने छोड्यो नी जावेला। मुख्यमंत्री कह्या के सरकारी परीक्षावां मांय पूरी सावचेती रे साथै इण बरस एक लाख भर्तियां रा लगस रे साथै आवता पांच बरस मांय 4 लाख भर्तियां करी जावेला। राज्य सरकार आवता पांच बरस मांय निजी हलका रे साथै मिल र कुल 10 लाख रूजगार रा मौका बणावेला। श्री शर्मा कह्या के बजट मांय सीकर ज़िला ने केई सौगाता दी गई है। साथै ही तीस बरसा सुं लम्बित यमुना जल समझौता ने पूरा कर्यो गयो है। मुख्यमंत्री कह्या के इण बरस राज्य सरकार बिजली अर पाणी माथे खास ध्यान दियो है।