महिला दिवस रे मौके प्रदेश मांय थावर ने केई कार्यक्रम राख्यी ज्या। जयपुर मांय राख्यी ज्या राज्य स्तर रा महिला सम्मान समारोह मांय मुख्यमंत्री भजनलाल शर्मा लाडो प्रोत्साहन योजना रा तहत दी जावण वाळी सेविंग बोंड री रकम एक लाख ऊं बधा र डोढ लाख रुप्या करण रो ऐलाण कीनो। महिला दिवस रे मौके जयपुर विकास प्राधिकरण शहर रा सेन्ट्रल पार्क मांय महिलावां सारू टॉयलेट बणावण रो ऐलाण कीनो। कोटा मांय महिलावां री वॉकेथोन राख्यी ज्यी अर महिला स्वास्थ्य जांच शिविर ई लगायी ज्यो। झुंझुनूं मांय महिला सम्मान समारोह अर रंगोली बणावण री होड़ राख्यी ज्यी। बांसवाड़ा अर बालोतरा मांय कार्यशाला राख्यी ज्यी, जद के भरतपुर मांय वाद-विवाद री होड़ राख्यी ज्यी। सवाईमाधोपुर मांय केन्द्रीय संचार ब्यूरो री ओर ऊं राख्यी ज्यी संगोष्ठी मांय महिलावां ने न्यारा-न्यारा कानूनां री जाणकारी दीरीजी।