प्रधानमंत्री नरेंद्र मोदी काल आकाशवाणी ऊं प्रसारित कर्या जावण वाळा खास कार्यक्रम ’मन की बात’ मांय विचार बतावेला। आ ईं कार्यक्रम री 113वीं कडी व्हेला। ओ कार्यक्रम आकाशवाणी अर दूरदर्शन रा पूरा नेटवर्क, आकाशवाणी समाचार री वेबसाइट अर न्यूज ऑन ए. आई. आर. मोबाइल एप माथे संवारे 11 बज्यां ऊं प्रसारित कर्यो जावेला। ईं सागे ई आकाशवाणी समाचार, दूरदर्शन समाचार, प्रधानमंत्री कार्यालय अर सूचना अर प्रसारण मंत्रालय रा यू-ट्यूब चैनलां माथे ई ओ कार्यक्रम प्रसारित कर्यो जावेला। कार्यक्रम रा हिंदी मांय प्रसारण रा ठीक पाछे प्रादेशिक भाषावां मांय ई इण रो प्रसारण कर्यो जावेला। आकाशवाणी रा जयपुर केन्द्र ऊं मन की बात कार्यक्रम रो सिंधी भाषा मांय अनुवाद प्रसारित कर्यो जावेला।