मध्यप्रदेश रा गांधी सागर बंधा ऊं राजस्थान मांय पाणद सारू पाणी छोड्यो जावेला। इण ऊं कोटा-बूंदी हलका रा किसाना ने फायदो व्हेला। ध्यानजोग है के बूंदी अर केशोरायपाटन हलका रा किसान लोकसभा अध्यक्ष ओम बिरला ऊं मिल र नहरां मांय पाणी री कमी अर साखा ने नुकसान री शंका जतायी ही, ज्यीं पाछे श्री बिरला राजस्थान अर मध्य प्रदेश रा अहलकारां ऊं बातचीत कर र जरूरी हुकम दीना। ईं बंधा ऊं 6 हजार क्यूसेक पाणी छोडण माथे एक राय बणी है। सरूआती दौर मांय 200 ऊं 300 क्यूसेक पाणी छोड़्यो जावेला। इण ऊं करीब सवा दो लाख हैक्टेयर कमांड हलका रा किसानां ने फायदो मिलेला।