कोटा ज़िला रा सांगोद मांय थावर ने पारम्परिक न्हाण लोकोत्सव सरू व्हे रह्यो है। ईं दौरान न्यारा-न्यारा स्वांग रच र हंसी-ठिठोली अर मनोरंजन सागे सामाजिक संदेश दिया जावे है। म्हाणा खबरनवीस बतायो के लोकोत्सव मांय दीतवार ने चौधरी पाड़ा पक्ष री बारह भाला री सवारी निकाळी जावेला, जदके 17 मार्च ने राजसी ठाठ-बाट सागे बादशाह री सवारी निकाळी जावेला। भीलवाड़ा जिला रा शाहपुरा मांय चाल रह्या फूलडोल महोत्सव मांय राम स्नेही सम्प्रदाय री ओर ऊं थावर ने अणभैवाणी ग्रंथ री शोभायात्रा निकाळी ज्यी। पांच दिन रा ईं महोत्सव मांय शिरकत करण सारू देश-परदेश ऊं जातरू पूग्या है।