भीलवाड़ा जिला रा माण्डलगढ़ मांय विधायक गोपाल लाल खण्डेलवाल मंगलवार ने शहरी आयुष्मान आरोग्य मन्दिर जनता ने सूंप्यो। इण ऊं आरे-सारे रा लोगां ने स्वास्थ्य ऊं जुड़्या सुबीता, मुफ़्त दवाइयां अर जांच रो फायदो तुरत मिल सकेला। दूजी कानी शाहपुरा ज़िला रा कोठियां रा सरकारी प्राथमिक स्वास्थ्य केन्द्र मांय मंगलवार ने मुख्यमंत्री आयुष्मान आरोग्य शिविर लगायी ज्यो। ईं मौके लोगां ने आयुर्वेदिक काढा़े ई पायी ज्यो। झुन्झुनू मांय मुख्यमंत्री आयुष्मान आरोग्य योजना रो फायदो एक जोड़ा ने ई मिल्यो। सीएमएचओ डॉ. छोटेलाल गुर्जर बतायो के ईं जोड़ा री जुड़वां बेटियां रो दो लाख रूप्या ऊं बत्ता खर्च रो ईलाज ईं योजना रा तैत अस्पताल मांय मुफ्त करी ज्यो। आं बेटियां रा बाप मोनू प्रकाश इंर् सारू राज्य सरकार रो धन्यवाद कीनो।