भारत मांय अमेरिका रा राजदूत एरिक गार्सेटी सोमवार ने जयपुर मांय राज्यपाल हरिभाऊ बागडे़ सागे शिष्टाचार भेंट कीनी। वे भारत री विविधता मांय एकता री संस्कृति अर अपणायत ऊं भर्या लोगां री सराहवणा कीनी। अमेरिका रा राजदूत एरिक गार्सेटी मुख्यमंत्री भजनलाल शर्मा सागे ई मुलाकात कीनी। ईं दौरान मुख्यमंत्री वां ने 9 ऊं 11 दिसम्बर तांई व्हेवण वाळा राइजिंग राजस्थान ग्लोबल इन्वेस्टमेंट समिट मांय निवेशकां सागे शिरकत करण रो न्योतो दीनो। मुख्यमंत्री कह्यो के प्रदेश मांय अक्षय ऊर्जा, खनन, आईटी अर बणाई-चुणाई रा हलका मांय निवेश रा घणा मौका है। वे कह्यो के राज्य सौर अर पवन ऊर्जा रा हलका मांय देश मांय अव्वल है। वे अमेरिका रा विश्वविद्यालयां रा राजस्थान मांय कैम्पस खोलण अर डाटा सेन्टर रा हलकां मांय ई काम करण रो न्योतो दीनो।