भारतीय जनता पार्टी राज्य मांय एक सितम्बर सूं व्यापक सदस्यता अभियान सरू करेला। ईं अभियान रा तैत प्रदेश मांय एक करोड़ सदस्य बणाबा रो लगस है। पार्टी रा सदस्यता अभियान बाबत आज जयपुर मांय पार्टी रा आला पदाधिकारियां री बैठक व्ही, जिण मांय ईं अभियान री रण नीति ने आखिरी रूप दियो गयो। सदस्यता अभियान रा संयोजक अरूण चतुर्वेदी आज मीडिया सूं बातचीत मांय बताया के प्रदेश मांय 51 हजार बूथ माथे 200-200 सदस्य बणाया जावेला। ईं अभियान खातर हर स्तर माथे कार्यशालावां राखी जावेला। एक सितम्बर ने प्रधानमंत्री ईं अभियान री सरूआत करेला। इणरे पछे चार अर पांच सितम्बर ने ईं अभियान ने जिलास्तर माथे सरू कर्यो जावेला।