बेटी बचाओ-बेटी पढ़ाओ रा तैत जैसलमेर मांय गुरूवार ने मरू उड़ान कार्यक्रम सरु करी ज्यो। ज़िला प्रशासन अर महिला अधिकारिता विभाग री ओर ऊं राख्यी ज्या कार्यक्रम मांय महिलावां सागे बातचीत री कार्यशाला राख्यी ज्यी। मरू उड़ान योजना रो मकसद प्रदेश री महिलावां ने स्वास्थ्य, शिक्षा अर खुद रा काम-धंधा रा हलकां मांय मज़बूत बणावणो है। म्हाणा खबरनवीस बतायो के ईं रे ज़रिए मानसिक स्वास्थ्य, खुद री हिफ़ाज़त, साइबर अपराधां रे खिलाफ़ जाग जगावण अर गाड़ियां चलावण री सिखावण रा सत्र ई राख्या जावेला। सवाईमाधोपुर मांय ई गुरूवार ने राजस्थान मरू उड़ान कार्यक्रम सरु व्ह्यो। इण मांय डॉक्टर महिलावां ने शारीरिक अर मानसिक स्वास्थ्य रा बारा मांय जाणकारी दीनी।