बीकानेर जिला री महाजन फील्ड फायरिंग रेंज मांय भारत अर मिस्र री फौजी टुकड़ियां रो भेळो अभ्यास साइक्लोन चाल रह्यो है। काल सरू व्ह्यो ओ अभ्यास 23 फरवरी 2025 तांई चालेला। अभ्यास मांय दोन्यू देशां री फौजी टुकड़ियां रा 25-25 फौजी शामिल व्हेला। ईं अभ्यास रो मकसद विशेष युद्ध संचालन रणनीति री एक-दूजा ने जाणकारी देवणो है। अभ्यास रे दौरान देश मांय बणायी ज्या फौजी साज-ओ-सामान अर मिस्र रा रक्षा विनिर्माण उद्योग रो दरसाव कर्यो जावेला।